ਰਾਜੌਰੀ/ਪੰਜਾਬ ਪੋਸਟ
ਜੰਮੂ-ਕਸ਼ਮੀਰ ਵਿੱਚ ਦਹਿਸ਼ਤੀ ਹਮਲਿਆਂ ਦਾ ਘਟਨਾਕ੍ਰਮ ਜਾਰੀ ਹਨ ਅਤੇ ਅੱਜ ਵਾਪਰੀ ਤਾਜ਼ਾ ਘਟਨਾ ਮੁਤਾਬਕ, ਜੰਮੂ ਕਸ਼ਮੀਰ ਦੇ ਰਾਜੌਰੀ ਦੇ ਗੁੰਡਾ ਖਵਾਸ ਇਲਾਕੇ ‘ਚ ਸਵੇਰੇ ਅੱਤਵਾਦੀਆਂ ਨੇ ਫੌਜ ਦੇ ਇੱਕ ਨਵੇਂ ਕੈਂਪ ‘ਤੇ ਹਮਲਾ ਕਰ ਦਿੱਤਾ। ਇਸ ਦਰਮਿਆਨ ਫੌਰੀ ਕਾਰਵਾਈ ਨਾਲ ਇਸ ਦਹਿਸ਼ਤੀ ਹਮਲੇ ਨੂੰ ਰੋਕ ਦਿੱਤਾ ਗਿਆ ਅਤੇ ਅੱਤਵਾਦੀਆਂ ਨੂੰ ਲੱਭਣ ਲਈ ਇੱਕ ਵੱਡਾ ਅਪ੍ਰੇਸ਼ਨ ਚਲਾਇਆ ਗਿਆ ਜਿਸ ਵਿੱਚ ਇੱਕ ਦਹਿਸ਼ਤੀ ਹਲਾਕ ਹੋਇਆ। ਫੌਜ ਦੇ ਸੀਨੀਅਰ ਅਧਿਕਾਰੀਆਂ ਨੇ ਦੱਸਿਆ ਹੈ ਕਿ ਅੱਗ ਬੁਝਾਊ ਕਾਰਵਾਈ ਵੀ ਨਾਲੋ ਨਾਲ ਸ਼ੁਰੂ ਕਰ ਦਿੱਤੀ ਗਈ ਸੀ। ਰੱਖਿਆ ਬੁਲਾਰੇ ਲੈਫਟੀਨੈਂਟ ਕਰਨਲ ਸੁਨੀਲ ਬਰਤਵਾਲ ਨੇ ਕਿਹਾ ਹੈ ਕਿ ਰਾਜੌਰੀ ਖੇਤਰ ਦੇ ਦੂਰ-ਦੁਰਾਡੇ ਪਿੰਡ ‘ਚ ਫੌਜ ਦੇ ਟਿਕਾਣੇ ‘ਤੇ ਹੋਏ ਵੱਡੇ ਅੱਤਵਾਦੀ ਹਮਲੇ ਨੂੰ ਨਾਕਾਮ ਕਰ ਦਿੱਤਾ ਗਿਆ। ਇਸ ਤੋਂ ਬਾਅਦ ਗੋਲੀਬਾਰੀ ਅਤੇ ਕਾਰਵਾਈ ਦਾ ਦੌਰ ਵੀ ਚੱਲਿਆ।