1.9 C
New York

ਇਜ਼ਰਾਈਲ ਵੱਲੋਂ ਲਿਬਨਾਨ ’ਤੇ ਵੱਡੇ ਤਾਬੜਤੋੜ ਹਵਾਈ ਹਮਲੇ, 492 ਹਲਾਕ : ਹਜ਼ਾਰਾਂ ਜ਼ਖਮੀ ਹੋਏ

Published:

Rate this post

ਬੈਰੂਤ/ਪੰਜਾਬ ਪੋਸਟ

ਖਾੜੀ ਦੇਸ਼ਾਂ ਦੇ ਖਿੱਤੇ ਦੇ ਹਾਲਾਤ ਅੱਜ ਉਸ ਵੇਲੇ ਹੋਰ ਪੇਚੀਦਾ ਹੋ ਗਏ ਜਦੋਂ ਲਿਬਨਾਨ ਨੇ ਦਾਅਵਾ ਕੀਤਾ ਕਿ ਇਜ਼ਰਾਇਲੀ ਫ਼ੌਜ ਵੱਲੋਂ ਕੀਤੇ ਹਵਾਈ ਹਮਲਿਆਂ ’ਚ 492 ਵਿਅਕਤੀ ਮਾਰੇ ਗਏ ਹਨ। ਸਿਹਤ ਮੰਤਰਾਲੇ ਨੇ ਕਿਹਾ ਕਿ ਦੱਖਣੀ ਲਿਬਨਾਨ ’ਚ ਹਮਲਿਆਂ ਦੌਰਾਨ 1000 ਤੋਂ ਵੱਧ ਵਿਅਕਤੀ ਜ਼ਖ਼ਮੀ ਹੋਏ ਹਨ। ਉੱਧਰ ਇਜ਼ਰਾਈਲ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਹਿਜ਼ਬੁੱਲਾ ਨੂੰ ਨਿਸ਼ਾਨਾ ਬਣਾਉਂਦਿਆਂ 800 ਟਿਕਾਣਿਆਂ ’ਤੇ ਹਮਲੇ ਕੀਤੇ ਹਨ। ਬੀਤੇ ਇਕ ਸਾਲ ’ਚ ਇਜ਼ਰਾਈਲ ਵੱਲੋਂ ਹਿਜ਼ਬੁੱਲਾ ਖ਼ਿਲਾਫ਼ ਲਿਬਨਾਨ ’ਚ ਇਹ ਸਭ ਤੋਂ ਵੱਡੀ ਕਾਰਵਾਈ ਕੀਤੀ ਗਈ ਹੈ। ਇਸ ਤੋਂ ਪਹਿਲਾਂ ਇਜ਼ਰਾਇਲੀ ਫ਼ੌਜ ਨੇ ਦੱਖਣੀ ਲਿਬਨਾਨ ਦੇ ਲੋਕਾਂ ਨੂੰ ਕਿਹਾ ਕਿ ਉਹ ਹਿਜ਼ਬੁੱਲਾ ਵੱਲੋਂ ਹਥਿਆਰਾਂ ਦੇ ਭੰਡਾਰ ਬਣਾ ਕੇ ਰੱਖੇ ਗਏ ਇਲਾਕਿਆਂ ਨੂੰ ਤੁਰੰਤ ਛੱਡ ਦੇਣ। ਇਜ਼ਰਾਈਲ ਨੇ ਕਿਹਾ ਹੈ ਕਿ ਉਹ ਛੇਤੀ ਹੀ ਦਹਿਸ਼ਤੀ ਧੜੇ ਖ਼ਿਲਾਫ਼ ਵੱਡੇ ਪੱਧਰ ’ਤੇ ਹਮਲੇ ਕਰੇਗਾ। ਇਸ ਤੋਂ ਪਹਿਲਾਂ, ਹਿਜ਼ਬੁੱਲਾ ਨੇ ਐਤਵਾਰ ਨੂੰ ਕਰੀਬ 150 ਰਾਕੇਟ, ਮਿਜ਼ਾਈਲਾਂ ਅਤੇ ਡਰੋਨ ਉੱਤਰੀ ਇਜ਼ਰਾਈਲ ’ਚ ਦਾਗ਼ੇ ਸਨ ਅਤੇ ਹੁਣ ਵੀ ਉਨਾਂ ਵੱਲੋਂ ਜਵਾਬੀ ਕਾਰਵਾਈ ਦੀ ਗੱਲ ਆਖੀ ਜਾ ਰਹੀ ਹੈ।

Read News Paper

Related articles

spot_img

Recent articles

spot_img