-1.3 C
New York

ਅੰਮਿ੍ਤਸਰ ਦੇ ਭਵਿੱਖ ਲਈ ਸ. ਤਰਨਜੀਤ ਸਿੰਘ ਸੰਧੂ ਸਮੁੰਦਰੀ ਨੇ ਜਾਰੀ ਕੀਤਾ ਵਿਸ਼ੇਸ਼ ਮੈਨੀਫੈਸਟੋ

Published:

Rate this post

ਅੰਮਿ੍ਤਸਰ/ਪੰਜਾਬ ਪੋਸਟ

ਚੋਣਾਂ ਦੇ ਇਸ ਮਾਹੌਲ ਵਿੱਚ ਅੰਮਿ੍ਰਤਸਰ ਤੋਂ ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰ ਅਤੇ ਅਮਰੀਕਾ ਵਿੱਚ ਭਾਰਤ ਦੇ ਸਾਬਕਾ ਰਾਜਦੂਤ ਸ. ਤਰਨਜੀਤ ਸਿੰਘ ਸੰਧੂ ਸਮੁੰਦਰੀ ਨੇ ਆਪਣੀ ਨਿਵੇਕਲੀ, ਲੋਕ ਪੱਖੀ ਅਤੇ ਮੁੱਦਾ-ਅਧਾਰਿਤ ਚੋਣ ਮੁਹਿੰਮ ਨੂੰ ਇੱਕ ਹੋਰ ਨਵਾਂ ਮੁਕਾਮ ਦਿੰਦੇ ਹੋਏ ਇੱਕ ਪਹਿਲ ਕਦਮੀ ਇਹ ਕੀਤੀ ਹੈ ਕਿ ਉਨਾਂ ਨੇ ਅੰਮਿ੍ਰਤਸਰ ਸ਼ਹਿਰ ਲਈ ਆਪਣੀ ਸਰਬਪੱਖੀ ਸੋਚ ਨੂੰ ਅਮਲ ਵਿੱਚ ਲਿਆਉਣ ਲਈ ਇੱਕ ਤਫਸੀਲੀ ਨੀਤੀ ਸਾਂਝੀ ਕੀਤੀ ਹੈ। ਲੋਕਾਂ ਨੂੰ ਨਿਜ਼ਾਮ ਪੱਖੋਂ ਇੱਕ ਬਿਹਤਰੀਨ ਬਦਲਾਅ ਅਤੇ ਮਿਆਰੀ ਪ੍ਰਬੰਧ ਦੇਣ ਦੀ ਆਪਣੀ ਸੋਚ ਨੂੰ ਉਨ੍ਹਾਂ ਅਮਲੀ ਜਾਮਾ ਪਵਾਉਣ ਲਈ ਅੰਮਿ੍ਰਤਸਰ ਲਈ ਇੱਕ ਵਿਸ਼ੇਸ਼ ਮੈਨੀਫੈਸਟੋ ਪਲਾਨ ਦਾ ਐਲਾਨ ਕੀਤਾ ਹੈ। ਆਪਣੇ ਵੱਲੋਂ ਅੰਮਿ੍ਰਤਸਰ ਦੇ ਵਿਕਾਸ ਲਈ ਜਾਰੀ ਕੀਤੇ ਗਏ ਮੈਨੀਫੈਸਟੋ ਵਿੱਚ ਉਨ੍ਹਾਂ ਨੇ ਮੱਧ ਪ੍ਰਦੇਸ਼ ਸੂਬੇ ਦੇ ਇੰਦੌਰ ਸ਼ਹਿਰ ਵਾਂਗ ਅੰਮਿ੍ਰਤਸਰ ਦਾ ਵਿਕਾਸ ਕਰਨ ਦੀ ਨੀਤੀ ਉਲੀਕੀ ਹੈ ਅਤੇ ਨਾਲ ਦੀ ਨਾਲ ਅਮਰੀਕਾ ਵਰਗੇ ਦੁਨੀਆਂ ਦੇ ਸਿਰਕੱਢ ਦੇਸ਼ ਵਿੱਚ ਮਿਲਦੀਆਂ ਸਿਹਤ ਸਹੂਲਤਾਂ ਨੂੰ ਅੰਮਿ੍ਰਤਸਰ ਵਿੱਚ ਵੀ ਲਿਆਉਣ ਦਾ ਇੱਕ ਟੀਚਾ ਮਿਥਿਆ ਹੈ। ਆਪਣੀ ਕਿਸਮ ਦੀ ਇਸ ਨਿਵੇਕਲੇ ਮੈਨੀਫੈਸਟੋ ਨੂੰ ਜਾਰੀ ਕਰਨ ਵੇਲੇ ਸ. ਤਰਨਜੀਤ ਸਿੰਘ ਸੰਧੂ ਸਮੁੰਦਰੀ ਨੇ ‘ਵਿਕਸਿਤ ਭਾਰਤ, ਵਿਕਸਿਤ ਅੰਮਿ੍ਰਤਸਰ’ ਦਾ ਇੱਕ ਨਾਅਰਾ ਵੀ ਦਿੱਤਾ ਹੈ। ਅੰਮਿ੍ਰਤਸਰ ਸ਼ਹਿਰ ਦੀ ਮਹੱਤਤਾ ਨੂੰ ਸਮਝਦੇ ਹੋਏ ਅਤੇ ਲੋਕਾਂ ਨੂੰ ਨਾਲ ਲੈ ਕੇ ਚੱਲਣ ਦੇ ਮਕਸਦ ਨਾਲ ਸ. ਤਰਨਜੀਤ ਸਿੰਘ ਸੰਧੂ ਸਮੁੰਦਰੀ ਨੇ ਇੱਕ ਅਜਿਹੇ ਭਵਿੱਖ ਲਈ ਨੀਤੀ ਤਿਆਰ ਕੀਤੀ ਹੈ ਜਿਸ ਵਿੱਚ ਸਭਨਾਂ ਦੀ ਸ਼ਮੂਲੀਅਤ ਯਕੀਨੀ ਬਣਾਈ ਜਾਵੇਗੀ ਅਤੇ ਨਾਲ ਦੀ ਨਾਲ ਲੋਕਾਂ ਦੀ ਸੇਵਾ ਬੇਹੱਦ ਸਾਫਗੋਈ ਅਤੇ ਜ਼ਿੰਮੇਵਾਰੀ ਨਾਲ ਕਰਨ ਦੀ ਗੱਲ ਵੀ ਉਨਾਂ ਸਾਂਝੀ ਕੀਤੀ ਹੈ। ਇਸੇ ਨੀਤੀ ਤਹਿਤ ਉਨਾਂ ਅੰਮਿ੍ਰਤਸਰ ਦੇ ਹਰੇਕ ਸਮਾਜਕ ਅਤੇ ਆਰਥਕ ਵਰਗ, ਹਰੇਕ ਕਾਰੋਬਾਰ ਅਤੇ ਪਹਿਲੂ ਨੂੰ ਬਰਾਬਰ ਦੀ ਅਹਮੀਅਤ ਦਿੱਤੀ ਹੈ ਅਤੇ ਇਸ ਤਰ੍ਹਾਂ ਲੋਕਾਂ ਦੀ ਉਹ ਉਮੀਦ ਮੁਕੰਮਲ ਕਰਨ ਵੱਲ ਗੱਲ ਤੋਰੀ ਹੈ ਜਿਸ ਦਾ ਅੰਮਿ੍ਰਤਸਰ ਦੇ ਲੋਕਾਂ ਨੂੰ ਪਿਛਲੇ ਸਮੇਂ ਤੋਂ ਇੰਤਜ਼ਾਰ ਹੀ ਚੱਲਿਆ ਆ ਰਿਹਾ ਹੈ। ਸ. ਸੰਧੂ ਨੇ ਇਸ ਗੱਲ ਦਾ ਵੀ ਉਚੇਚਾ ਜ਼ਿਕਰ ਕੀਤਾ ਕਿ ਪੰਜਾਬ ਦੀ ਸਰਕਾਰ ਨੇ ਸੂਬੇ ਦੀ ਬਿਹਤਰੀ ਲਈ ਕੇਂਦਰ ਸਰਕਾਰ ਦੀਆਂ ਯੋਜਨਾਵਾਂ ਨੂੰ ਸਹੀ ਢੰਗ ਨਾਲ ਲਾਗੂ ਨਹੀਂ ਕੀਤਾ। ਅੰਮਿ੍ਰਤਸਰ ਸ਼ਹਿਰ ਲਈ ਉਨਾਂ ਵੱਲੋਂ ਸੋਚੀ ਗਈ ਭਵਿੱਖੀ ਨੀਤੀ ਨੂੰ ਉਸ ਵੇਲੇ ਹੋਰ ਭਰਵਾਂ ਹੁੰਗਾਰਾ ਵੀ ਮਿਲਿਆ ਜਦੋਂ ਉਨਾਂ ਅੰਮਿ੍ਰਤਸਰ ਦੇ ਚੁਗਾਵਾਂ ਵਿਖੇ ਇੱਕ ਰੈਲੀ ਨੂੰ ਸੰਬੋਧਨ ਕੀਤਾ ਜਿਸ ਵਿੱਚ ਲੋਕਾਂ ਦਾ ਇੱਕ ਵਿਸ਼ਾਲ ਇਕੱਠ ਉਨਾਂ ਵੱਲੋਂ ਕਹੀ ਗਈ ਹਰੇਕ ਗੱਲ ਦਾ ਸਮਰਥਨ ਕਰਦਾ ਹੋਇਆ ਨਜ਼ਰ ਆਇਆ। ਇਸ ਭਰਵੇਂ ਇਕੱਠ ਵਿੱਚ ਲੋਕਾਂ ਨੇ ਬਾਹਾਂ ਖੜ੍ਹੀਆਂ ਕਰਕੇ ਸ. ਤਰਨਜੀਤ ਸਿੰਘ ਸੰਧੂ ਸਮੁੰਦਰੀ ਵੱਲੋਂ ਸਾਂਝੇ ਕੀਤੇ ਗਏ ਵਿਚਾਰਾਂ ਉੱਤੇ ਜ਼ੋਰਦਾਰ ਹਾਮੀ ਭਰੀ। ਲੋਕਾਂ ਦੀ ਇਸ ਭਰਵੀਂ ਹਾਜ਼ਰੀ ਬਦਲੇ ਸ. ਤਰਨਜੀਤ ਸਿੰਘ ਸੰਧੂ ਸਮੁੰਦਰੀ ਨੇ ਆਏ ਹੋਏ ਹਰੇਕ ਸ਼ਖਸ ਦਾ ਵਿਸ਼ੇਸ਼ ਤੌਰ ਉੱਤੇ ਧੰਨਵਾਦ ਕੀਤਾ ਜਿਨਾਂ ਨੇ ਇੰਨੀ ਵੱਡੀ ਗਿਣਤੀ ਵਿੱਚ ਆ ਕੇ ਅੰਮਿ੍ਰਤਸਰ ਦੇ ਭਵਿੱਖ ਸਬੰਧੀ ਉਨਾਂ ਵੱਲੋਂ ਪੇਸ਼ ਵਿਕਾਸ ਦੇ ਖਾਕੇ ਨੂੰ ਦਿਲੋਂ ਸਮਰਥਨ ਦਿੱਤਾ।

Read News Paper

Related articles

spot_img

Recent articles

spot_img