ਨਵੀਂ ਦਿੱਲੀ/ਪੰਜਾਬ ਪੋਸਟ :
ਦਿੱਲੀ ਹਾਈ ਕੋਰਟ ਨੇ ਬੀਐੱਸ-6 ਤੋਂ ਪਹਿਲਾਂ ਦੇ ਮਿਆਰ ਵਾਲੇ ਵਾਹਨਾਂ ’ਤੇ ਲਾਈਆਂ ਪਾਬੰਦੀਆਂ ਤੋਂ ਵਕੀਲਾਂ ਨੂੰ ਛੋਟ ਦੇ ਦਿੱਤੀ ਹੈ। ਅਦਾਲਤ ਦੇ ਇਸ ਫ਼ੈਸਲੇ ਨਾਲ ਵਕੀਲ ਆਪਣੇ ਵਾਹਨਾਂ ਰਾਹੀਂ ਅਦਾਲਤ ਆਉਣ-ਜਾਣ ਦੇ ਯੋਗ ਹੋਣਗੇ। ਇਹ ਰਾਹਤ ਵਕੀਲਾਂ ਵੱਲੋਂ ਕੰਮਕਾਜ ਵਿੱਚ ਆ ਰਹੀਆਂ ਮੁਸ਼ਕਲਾਂ ਦਾ ਹਵਾਲਾ ਦੇ ਕੇ ਦਿੱਤੀ ਗਈ ਪਟੀਸ਼ਨ ਤੋਂ ਬਾਅਦ ਮਿਲੀ ਹੈ।
ਦਿੱਲੀ ਵਿੱਚ ਹਵਾ ਪ੍ਰਦੂਸ਼ਣ ਨੂੰ ਕਾਬੂ ਕਰਨ ਲਈ ਪੁਰਾਣੇ ਮਿਆਰਾਂ ਵਾਲੇ ਵਾਹਨਾਂ ਦੀ ਆਵਾਜਾਈ ’ਤੇ ਰੋਕ ਲਗਾਈ ਗਈ ਸੀ। ਹਾਈ ਕੋਰਟ ਦੇ ਹੁਕਮ ਨਾਲ ਵਕੀਲਾਂ ਨੂੰ ਇਸ ਪਾਬੰਦੀ ਤੋਂ ਵਿਸ਼ੇਸ਼ ਰਾਹਤ ਮਿਲੀ ਹੈ।
