ਸਿੱਖਸ ਆਫ ਅਮੈਰੀਕਾ ਅਤੇ ਐਨਸੀਏਆਈਏ ਵੱਲੋਂ ਪ੍ਰਭਾਵਸ਼ਾਲੀ ਆਯੋਜਨ
ਵਾਸ਼ਿੰਗਟਨ ਡੀਸੀ/ਪੰਜਾਬ ਪੋਸਟ
ਅਮਰੀਕਾ ਦੀ ਰਾਜਧਾਨੀ ਵਾਸ਼ਿੰਗਟਨ ਡੀਸੀ ਵਿਖੇ ਸਥਿਤ ਭਾਰਤੀ ਅੰਬੈਸੀ ਦੀ ਡਿਪਟੀ ਚੀਫ ਆਫ ਮਿਸ਼ਨ ਸ੍ਰੀਪ੍ਰੀਆ ਰੰਗਾਨਾਥਨ ਦੀ ਵਿਦਾਇਗੀ ਦੇ ਸਮਾਗਮ ਦਾ ਸਿੱਖਸ ਆਫ ਅਮੈਰੀਕਾ ਅਤੇ ਐਨਸੀਏਆਈਏ ਨੇ ਪ੍ਰਭਾਵਸ਼ਾਲੀ ਆਯੋਜਨ ਕੀਤਾ। ਇਸ ਮੌਕੇ ਸ੍ਰੀਪ੍ਰੀਆ ਰੰਗਾਨਾਥਨ ਤੋਂ ਇਲਾਵਾ ਭਾਰਤੀ ਅੰਬੈਸੀ ਤੋਂ ਜਗ ਮੋਹਨ ਕਮਿਊਨਿਟੀ ਐਂਡ ਪਰਸੋਨਲ ਮਨਿਸਟਰ, ਜਿਗਰ ਰਾਵਲ ਫਸਟ ਸੈਕਰੇਟਰੀ ਆਈਟੀਓਯੂ, ਅਨੂਪ ਸ੍ਰੀਵਾਸਤਵਾ ਸੈਕਿੰਡ ਸੈਕਰੇਟਰੀ ਕੌਂਸਲ, ਰਾਜੀਵ ਅਹੂਜਾ ਸੈਕੰਡ ਸੈਕਰੇਟਰੀ ਵੀਜ਼ਾ ਅਧਿਕਾਰੀ ਵਿਸ਼ੇਸ਼ ਤੌਰ ‘ਤੇ ਸ਼ਾਮਲ ਹੋਏ। ਇਸ ਮੌਕੇ ਆਏ ਹੋਏ ਸਾਰੇ ਮਹਿਮਾਨਾਂ ਦਾ ਸਿੱਖਸ ਆਫ ਅਮੈਰੀਕਾ ਦੇ ਚੇਅਰਮੈਨ ਜਸਦੀਪ ਸਿੰਘ ਜੈਸੀ ਦੀ ਅਗਵਾਈ ਵਿੱਚ ਕਮਲਜੀਤ ਸਿੰਘ ਸੋਨੀ ਪ੍ਰਧਾਨ, ਬਲਜਿੰਦਰ ਸਿੰਘ ਸ਼ੰਮੀ ਉਪ ਪ੍ਰਧਾਨ ਅਤੇ ਸਮੂਹ ਅਹੁਦੇਦਾਰਾਂ ਅਤੇ ਨਾਮਵਰ ਸ਼ਖਸੀਅਤਾਂ ਵੱਲੋਂ ਭਰਵਾਂ ਸਵਾਗਤ ਕੀਤਾ ਗਿਆ। ਇਸ ਸਮਾਗਮ ਮੌਕੇ ਆਪਣੇ ਸੰਬੋਧਨ ਵਿੱਚ ਸ੍ਰੀਪ੍ਰੀਆ ਰੰਗਾਨਾਥਨ ਨੇ ਕਿਹਾ ਕਿ ਉਨਾਂ ਨੇ ਆਪਣੇ ਕਾਰਜਕਾਲ ਦੌਰਾਨ ਅਮਰੀਕਾ ਵਾਸਤੇ ਸਮੁੱਚੇ ਭਾਈਚਾਰੇ ਦੀ ਮਿਹਨਤ, ਇਮਾਨਦਾਰੀ, ਦਿ੍ਰੜਤਾ ਅਤੇ ਤਰੱਕੀ ਨੂੰ ਬਖੂਬੀ ਵੇਖਿਆ ਜਿਸ ਨੇ ਭਾਰਤ ਦਾ ਨਾਂਅ ਰੋਸ਼ਨ ਕੀਤਾ ਅਤੇ ਇਸ ਸਮੁੱਚੇ ਸਮੇਂ ਦੌਰਾਨ ਉਨਾਂ ਦੇ ਦਿਲ ਵਿੱਚ ਸਿੱਖਾਂ ਪ੍ਰਤੀ ਇੱਕ ਵੱਡਾ ਸਤਿਕਾਰ ਵੀ ਬਣਿਆ। ਉਨਾਂ ਇਸ ਗੱਲ ਦਾ ਵੀ ਜ਼ਿਕਰ ਕੀਤਾ ਕਿ ਉਨਾਂ ਦੇ ਕਾਰਜਕਾਲ ਸਮੇਂ ਸਿੱਖ ਭਾਈਚਾਰੇ ਵੱਲੋਂ ਦਿੱਤਾ ਗਿਆ ਸਹਿਯੋਗ ਅਤੇ ਮਾਣ ਸਤਿਕਾਰ ਉਨਾਂ ਲਈ ਹਮੇਸ਼ਾ ਇੱਕ ਨਿੱਘੀ ਯਾਦ ਬਣਿਆ ਰਹੇਗਾ। ਸਿੱਖਸ ਆਫ ਅਮੈਰੀਕਾ ਦੇ ਚੇਅਰਮੈਨ ਜਸਦੀਪ ਸਿੰਘ ਜੈਸੀ ਨੇ ਕਿਹਾ ਕਿ ਸ੍ਰੀਪ੍ਰੀਆ ਰੰਗਾਨਾਥਨ ਨੇ ਆਪਣੇ ਕਾਰਜਕਾਲ ਦੌਰਾਨ ਬਹੁਤ ਹੀ ਉੱਚ ਪੱਧਰੀ ਸੇਵਾਵਾਂ ਨਿਭਾਈਆਂ ਜਿਸ ਨਾਲ ਭਾਰਤੀ ਭਾਈਚਾਰੇ ਨੂੰ ਬਹੁਤ ਲਾਭ ਹੋਇਆ। ਇਸ ਮੌਕੇ ਉਨਾਂ ਸ੍ਰੀਪ੍ਰੀਆ ਰੰਗਾਨਾਥਨ ਨੂੰ ਸਿੱਖਸ ਆਫ ਅਮੈਰੀਕਾ ਵੱਲੋਂ ਨਿੱਘੀ ਵਿਦਾਇਗੀ ਦਿੰਦਿਆਂ ਉਨਾਂ ਦੇ ਚੰਗੇ ਭਵਿੱਖਾਂ ਦੀ ਕਾਮਨਾ ਕਰਦੇ ਹੋਏ ਜਲਦ ਹੀ ਮੁੜ ਮਿਲਣ ਦੀ ਆਸ ਪ੍ਰਗਟਾਈ। ਸਮਾਗਮ ਦੇ ਅਖੀਰ ਵਿੱਚ ਸਾਰੇ ਮਹਿਮਾਨਾਂ ਨੇ ਖਾਣੇ ਵਿੱਚ ਭਰੋਸੇ ਗਏ ਲਜ਼ੀਜ਼ ਪਕਵਾਨਾਂ ਦਾ ਆਨੰਦ ਮਾਣਿਆ। ਸਮਾਗਮ ਦੌਰਾਨ ਸਿੱਖਸ ਆਫ ਅਮੈਰੀਕਾ ਦੇ ਚੇਅਰਮੈਨ ਜਸਦੀਪ ਸਿੰਘ ਜੈਸੀ ਦੀ ਅਗਵਾਈ ਵਿੱਚ ਕਮਲਜੀਤ ਸਿੰਘ ਸੋਨੀ ਪ੍ਰਧਾਨ ਬਲਜਿੰਦਰ ਸਿੰਘ ਸ਼ੰਮੀ ਉਪ ਪ੍ਰਧਾਨ, ਮਨਿੰਦਰ ਸੇਠੀ, ਗੁਰਵਿੰਦਰ ਸੇਠੀ, ਇੰਦਰਜੀਤ ਗੁਜਰਾਲ, ਹਰਬੀਰ ਬਤਰਾ, ਵਰਿੰਦਰ ਸਿੰਘ, ਪ੍ਰਭਜੋਤ ਬਤਰਾ, ਕਰਮਜੀਤ ਸਿੰਘ, ਗੁਰਪ੍ਰੀਤ ਸਿੰਘ, ਸਾਜਿਦ ਤਰਾਰ, ਹਰਜੀਤ ਚੰਡੋਕ, ਜਸਵਿੰਦਰ ਸਿੰਘ, ਪਵਨ ਬਜਵਾੜਾ, ਅਸ਼ੀਲਾ ਪੁਲਵਰਤੀ, ਵਿਕਰਮ ਮੋਰ, ਪਿੰਕੀ ਪਾਠਕ ਅਤੇ ਸੋਮਾ ਬਰਮਨ ਨੇ ਅਹਿਮ ਯੋਗਦਾਨ ਪਾਇਆ।
